काठमाडौँ, माघ १७ :
पूर्वराष्ट्रपति विद्यादेवी भण्डारीले लोकतन्त्र स्थापनाका लागि बलिदान दिने सहिदहरूको कदर गर्न आह्वान गरेकी छिन् ।
सहिद दिवसका अवसरमा सामाजिक सञ्जाल एक्समार्फत पूर्वराष्ट्रपति भण्डारीले निरङ्कुश राणा शासनको अन्त्यका लागि जीवन बलिदान गरेका शुक्रराज शास्त्री, दशरथ चन्द, गङ्गालाल श्रेष्ठ र धर्मभक्त माथेमालगायत सबै ज्ञातअज्ञात सहिदहरूप्रति श्रद्धासुमन व्यक्त गर्दै उनीहरूको योगदान अमर रहेको स्मरण गरेकी छिन् ।
सहिदहरूको बलिदान र योगदानको कदर गर्दै राष्ट्र निर्माणमा लाग्न र सहिदहरूको सपनालाई साकार बनाउन सम्पूर्ण राजनीतिक दलका नेतृत्व, नागरिक समाजलगायत सम्पूर्णमा प्रेरणा मिल्नेछ भन्ने विश्वास लिएको पनि भण्डारीले उल्लेख गरेकी छिन् ।
