काठमाण्डौँ , असोज २१ :
प्रकाशमानसिंह राउत प्रधानन्यायाधीशमा नियुक्त हुनुभएको छ ।
राष्ट्रपति रामचन्द्र पौडेलले राउतलाई प्रधानन्यायाधीशमा नियुक्त गर्नुभएको हो ।
प्रधानन्यायाधीश विश्वम्भरप्रसाद श्रेष्ठले हिजोदेखि अनिवार्य अवकाश पाएपछि राउत प्रधानन्यायाधीश बन्नुभएको हो । राउतको कार्यकाल प्रधानन्यायाधीशका रूपमा २०८२ सालको चैतसम्म रहनेछ ।
यसअघि यही असोज १६ गते राउतको नाम संसदीय सुनुवाइ समितिबाट सर्वसम्मतले अनुमोदन भएको थियो ।
