काठमाडौं, चैत २२ :
शंकर ग्रुपका अध्यक्ष शंकर अग्रवाललाई सम्पत्ति शुद्धीकरण विभागले छाडेको छ। बयान लिन काम सकिएकाले उनलाई छाडेको विभागका महानिर्देशक गजेन्द्र कुमार ठाकुरले बताए ।
सम्पत्ति सुद्धीकरण विभागले अनुसन्धानका लागि अग्रवाललाई गत शुक्रबार नियन्त्रणमा लिएको थियो । यही ग्रुपका सञ्चालक सुलभ अग्रवाललाई आइतबार पक्राउ गरिएको छ। जिल्ला अदालत काठमाडौंले उनीविरुद्ध ५ दिन म्याद थप गरेको छ ।
शंकर ग्रुप नेपालको एक अग्रणी व्यावसायिक घरानाका रूपमा परिचित कम्पनी हो ।
