बारा, असार १८ :
संविधानसभा सदस्य रामअयोध्या यादवको निधन भएको छ । लामो समयदेखि मिर्गौलाको समस्याबाट पीडित उनको ७२ वर्षको उमेरमा वीरगन्जस्थित हेल्थकेयर अस्पतालमा बुधबार बिहान निधन भएको उनका पुत्र डा. जितेन्द्र यादवले जानकारी दिए ।
बाराको सुवर्ण गाउँपालिका २, कवहीजगात गाउँका यादव २०७० सालको संविधानसभा निर्वाचनमा बारा क्षेत्र नम्बर १ बाट कांग्रेसबाट निर्वाचित भएका थिए । उनी कांग्रेसका पूर्वजिल्ला सचिव तथा महासमिति सदस्य थिए ।
उनका दुई छोरा, दुई छोरी र पत्नी छन् ।
