काठमाडौं, जेठ २६ :
प्रधानन्यायाधीश प्रकाशमान सिंह राउतले सोमबार दिउँसो काठमाडौं जिल्ला अदालतमा आकस्मिक अनुगमन गरेका छन्।
न्यायपरिषद्का केही कर्मचारीसहित अदालत पुगेका राउतले सेवाग्राहीहरूसँग कुराकानी गर्दै अदालतको कामकाज, सेवा प्रवाह र प्रक्रिया बारे जानकारी लिएका थिए।
पछिल्लो समय काठमाडौं जिल्ला अदालतमा विचौलियाको सक्रियता र सेवाग्राहीले भोग्नुपरेको सास्तीबारे गुनासो बढेपछि अनुगमन गरिएको न्यायपरिषद् स्रोतले जनाएको छ।
यसअघि प्रधानन्यायाधीश राउतले गत चैत १९ गते सर्लाही जिल्ला अदालतमा पनि यस्तै छड्के अनुगमन गरेका थिए।
न्यायालयमा देखिने विकृति, विसंगति र ढिलासुस्तीबारे उजुरीका आधारमा न्यायपरिषद् छानबिनमा जुट्ने गरेको छ।
