वैशाख ४ :
अन्तर्राष्ट्रिय ओलम्पिक कमिटी (आईओसी) ले एनओसीको निर्वाचनबाट निर्वाचित नयाँ नेतृत्व टोलीलाई मान्यता प्रदान गरेको छ ।
आईओसीले बिहीबार एनओसीका नवनिर्वाचित अध्यक्ष जीवनराम श्रेष्ठ र महासचिव राजीव श्रेष्ठलाई पत्र लेख्दै ओलम्पिकको निर्वाचनलाई औपचारिक आधिकारिकता दिएको उल्लेख गरेको हो । गत पुस १३ गते अनलाइनमार्फत गरिएको एनओसीको निर्वाचनबाट जीवनराम तेस्रो कार्यकालका लागि अध्यक्षमा निर्वाचित भएका थिए।
यसअघि एनओसीको निर्वाचनलाई नेपाल सरकारले अवैधानिक ठहर गरेको थियो । सरकारी स्रोत–साधन प्रयोग गर्न नदिने भन्दै सरकारले सातदोवाटोस्थित एनओसी भवनसहितका गेटमा तालासमेत लगाएको थियो ।
