काठमाडौँ, चैत २५ :
कानुन व्यवसायीहरुको छाता संगठन नेपाल बार एशोसियशनको नयाँ नेतृत्वका लागि भएको निर्वाचनको मतगणना आज हुँदै छ ।
शनिबार नै निर्वाचन भए पनि मतपेटिका काठमाडौँ ल्याउन ढिलाइ भएकाले आजबाट मतगणना सुरु गर्न लागिएको एशोसियसनले जनाएको छ ।
निर्वाचन समितिका अनुसार आज दिउँसो १२ बजेपछि मतगणना सुरु गर्ने तयारी छ । नेपाल बार एसोसिएसनको भवनमा सात ठाउँमा मतगणना गर्ने तयारी छ ।
नयाँ नेतृत्वका लागि अध्यक्षमा बृहत् लोकतान्त्रिक, प्रगतिशील, पेसागत, राष्ट्रवादी एवं समावेशी कानुन व्यवसायी समूहबाट वरिष्ठ अधिवक्ता प्रा डा. विजयप्रसाद मिश्र र व्यावसायिक कानुन व्यवसायी समूहबाट वरिष्ठ अधिवक्ता रमनकुमार श्रेष्ठ प्रतिस्पर्धामा छन् ।
