काठमाडाैं, चैत २४ :
काठमाडौं उपत्यका एक सातादेखि विश्वको प्रदूषित सहरको सूचीमा कायमै छ । काठमाडौंको वायुले खतरनाक तह पार गरेसँगै स्वास्थ्य तथा जनसंख्या मन्त्रालय र वन तथा वातावरण मन्त्राय सतर्कता अपनाउन आग्रह गरेको छ।
काठमाडौंको वायु गुणस्तर आइतबार १७० एक्यूआई (एयर क्वालिटी इन्डेक्स) पुगेको छ । यसलाई वायु गुणस्तरको खतरनाक संकेत मानिन्छ । आगलागी, धुलो र गाडीबाट निस्कने धूवाँका कारण काठमाडौंको हावा एक हप्तादेखि प्रदूषित छ ।
काठमाडौं विश्वकै प्रदूषित सहर बनिरहँदा ब्राजिलको साओ पाउलो सहर भने विश्वकै सफा सहर बनेको छ । साओ पाउलोको एक्यूआई ७ रहेको छ ।
