काठमाडौं, चैत ३ :
नेकपा माओवादी केन्द्रका अध्यक्ष पुष्पकमल दाहालले फोटो जलाउँदैमा कसैलाई गिरफ्तार गर्नु उचित नहुने बताएका छन् ।
दाहालले आइतबार सामाजिक सञ्जालमार्फत आफ्नो धारणा व्यक्त गर्दै फोटो जलाउँदैमा पक्राउ गरिहाल्न नहुने बताएका हुन् ।
दाहालले भनेका छन्, ‘लोकतन्त्रमा विरोधका विभिन्न रुप हुन्छन् । फोटो जलाउँदैमा गिरफ्तार गर्नु उचित हुँदैन ।’
दाहालको तस्बिर जलाएको आरोपमा प्रहरीले आइतबार भरतपुरबाट राप्रपाको युवा संगठनका नेता नीराजन बमलाई पक्राउ गरेपछि दाहालले सामाजिक सञ्जालमार्फत आफ्नो धारणा व्यक्त गरेका हुन् ।
बमले शनिबार हेटौंडाको एक कार्यक्रममा माओवादी अध्यक्ष दाहालको तस्बिर जलाएका थिए ।
