नेकपा माओवादी केन्द्रले सुरु गरेको जनतासँग माओवादी, तराई मधेस जागरण अभियान आज (शुक्रबार) सर्लाही पुगेको छ ।
झापाको कचनकवलबाट फागुन १२ गते सुरु भएको अभियान झापा, मोरङ, सुनसरी, सप्तरी, सिरहा, धनुषा, महोत्तरी हुँदै सर्लाही आएको हो । आजै सर्लाहीका कार्यक्रम सकेर अभियान टोली रौतहट जाने अध्यक्ष पुष्पकमल दाहालको सचिवालयले जनाएको छ ।
सचिवालयका अनुसार अभियानको जिल्ला बढ्दै गर्दा जनसहभागिता पनि बढ्दै गएको छ । अभियानका क्रममा सडकैमा माओवादी अध्यक्षसहितका नेताहरुलाई सर्वसाधारणले फूलमालाले स्वागत गरेका छन् । स्वागतपछि चोकचोकमा चोकसभा हुने गरेको पनि सचिवालयले जनाएको छ ।
