ट्रम्पको पारस्परिक कर लगाउने चेतावनीमा कांग्रेसले भन्यो- ‘प्रधानमन्त्री मोदी मुस्कुराइरहेका थिए’

अमेरिकी राष्ट्रपति डोनाल्ड ट्रम्पले भारतमाथि पारस्परिक कर लगाउने चेतावनी दिएकामा कांग्रेस पार्टीले नरेन्द्र मोदी सरकारलाई निसाना साधेंको छ ।

नयाँदिल्लीमा शुक्रबार पत्रकार सम्मेलन गर्दै कांग्रेस प्रवक्ता पवन खेडाले यस विषयमा प्रधानमन्त्री मोदीमाथि आरोपहरु लगाए । उनले भने, ‘पारस्परिक ट्यारिफको बारेमा कुरा गर्दा प्रधानमन्त्री किन मुस्कुराइरहेका थिए ? हामीलाई थाहा छैन र ।’

समाचार एजेन्सी एएनआईका अनुसार उनले पत्रकारहरूलाई मोदी निमन्त्रणाविनै अमेरिका भ्रमणमा गएको आरोप लगाए । उनले भने, ‘प्रधानमन्त्री मोदी निमन्त्रणाविनै अमेरिका जानुहुन्छ । डोनाल्ड ट्रम्पले अमेरिकाको राष्ट्रपतिका रूपमा शपथ लिँदा उनलाई निम्तो गरिएको थिएन । अझै गए । उनी किन गए, तपाईंहरूले खोजी पत्रकारितामार्फत पत्ता लगाउनुपर्छ ।’

खेडाले मोदीलाई व्याङ्ग्य कस्दै भने, ‘तर त्यहाँ गएर र मञ्चमा सँगै उभिएर, ट्रम्पले हामी पारस्परिक शुल्क लगाउने कुरा भन्नुहुन्छ । प्रत्यक्ष अपमान, प्रत्यक्ष धम्की । ऊ लजालु मुस्कुराउँदै छ । अथवा के भन्ने भनेर बुझेनौं हामीले ?’

प्रधानमन्त्री मोदी ट्रम्पको धम्की सुन्दा पनि मुस्कुराइरहेको भन्दै कांग्रेस प्रवक्ता खेडाले आलोचना गरे । उनले  भने, ‘हामी उनलाई बारम्बार सोध्न चाहन्छौं कि तपाईं  ट्रम्पको धम्की सुनेपछि आउनुभयो । ट्रम्पले ब्रिक्सको अन्त्य गर्नेछौं भन्दा तपाईं मुस्कुराइरहनुभएको छ । अमेरिकाले भारतमा कर लगाउने भनेको थियो, तर मोदी मुस्कुराइरहनुभएको छ। दुईजना अनुवादक थिए, त्यसैले कसैले पनि भन्न सक्दैन कि उनीहरूले अंग्रेजी बुझेनन् ।’

वास्तवमा, प्रधानमन्त्री मोदीले अमेरिकामा राष्ट्रपति ट्रम्पलाई भेटेका थिए । त्यहाँ ट्रम्पले मोदीसँग पारस्परिक कर लगाउने बारेमा कुरा गरेका थिए । यसबारे कांग्रेसले प्रश्न उठाएको हो । -बीबीसी