सुदूरपश्चिम प्रदेशभर आज ओल्के पर्व धुमधामसँग मनाइँदै

 सुदूरपश्चिम प्रदेशमा आज ओल्के  पर्व धुमधामका साथ मनाइँदै छ ।

ओल्के संक्रान्ति  सुदूरपश्चिमको पहाडी जिल्लाहरु र प्रदेश भरी नै धुमधामसँग मनाइने गरिन्छ  ।

साउने झरी सकिएलगत्तै प्राकृतिक प्रकोपबाट बाँचिएको खुशियालीमा सुदूरका पहाडी जिल्लामा ओल्के पर्व मनाउने चलन छ ।

आज  मीठो मसिनो खाना खाने चलन रहेको छ भने बाबियोको पिङ खेल्ने चलनसमेत रहेको छ ।

कर्कलो, हरियो सागपात र सेल रोटी बनाएर आफन्तलाई बाँड्ने प्रचलन पनि यो पर्वमा छ।

ओल्को भन्नाले सम्मानित व्यक्तिलाई दिइने केही ‘उपहार’ वा ‘कोसेली’लाई जनाउँछ ।

आफूभन्दा ठूलाबडा, मान्यजन वा ज्येष्ठ नागरिकलाई सम्मानस्वरुप कर्कलाको भित्री पात, फलफूल आदि दिनु, मीठो–मसिनो खानु, हातमा मेहेन्दी लगाउनु यस पर्वको विशेषता रहेको जानकारहरु बताउँछन ।।