रोग निययन्त्रणका लागि लमजुङका दुई लाख २८ हजार पशुलाई खोप

लमजुङका ८ पालिकामा रोग निययन्त्रण गर्न दुई लाख २८ हजार पशुमा खोप लगाइएको छ । 

भेटेरिनरी अस्पताल तथा पशुसेवा विज्ञ केन्द्रले आर्थिक वर्ष २०८०-८१ मा सबै पालिकाका किसानको घरघरमा पुगेर बाख्रा, गाईभैँसी, बङ्गुर, कुकुरलाई खोप लगाइएको केन्द्रका निमित्त प्रमुख डा सुनिल न्यौपानेले बताउनुभयो ।

गाईवस्तु, २९ हजार तीन सय ८६, भैँसी ५७ हजार सात सय छ, बाख्रा एक लाख १७ हजार तीन सय ४१, भेडा १६ हजार आठ सय ७९ वटा, बङ्गुर दुई हजार  ६ सय ६९ र कुकुर चार हजार चार सय २१ वटामा खोप लगाइएको थियो । 

सबैभन्दा बढी बेँसीसहर नगरपालिका र सबैभन्दा कम दूधपोखरी गाउँपालिकाका किसानका चौपायमा खोप लगाइएको छ । बेँसीशहरमा ३६ हजार एक सय ३२, दूधपोखरीमा १५ हजार चार सय १६ पशुचौपायामा खोप लगाइएको छ । 

त्यसैगरी सुन्दरबजार नगरपालिकामा ३२ हजार नौ सय ९१, राइनास नगरपालिकामा २६ हजार ३७, मध्यनेपाल नगरपालिकामा ३० हजार छ सय २४, दोर्दी गाउँपालिकामा ३४ हजार सात सय २८, मर्‍स्याङदी गाउँपालिमामा ३५ हजार सात सय५४ वटा र क्व्होलासोथर गाउँपालिकामा १६ हजार सात सय १९ चौपायमा खोप लगाइएको छ ।

खोप कार्यक्रम सञ्चालनका लागि ८१ खोपकर्ता परिचालन गरिएको प्रमुख न्यौपानेले बताउनुभयो ।