प्रधानमन्त्री केपी ओलीले सत्तारुढ दलको उच्च स्तरीय राजनीतिक संयन्त्रको बैठक बोलाएका छन्। प्रधानमन्त्रीको सरकारी निवास बालुवाटारमा आइबार साँझ ५ बजे बस्ने गरेर बैठक बोलाइएको हो।
बैठकमा सरकारले हालै जारी गरेका ६ वटा अध्यादेशमा देखिएको गतिरोध लगायत विषयमा छलफल हुने बताइएको छ। पारित हुने अवस्था नदेखिएपछि यी अध्यादेश आइतबारको दुवै सदनको सूचीबाट हटाइएको छ ।
सरकारले माघ १८ गते दुवै सदनमा ६ वटा अध्यादेश टेबुल गरेको थियो। राष्ट्रियसभामा निर्णायक अवस्थामा रहेको जनता समाजवादी पार्टी नेपाललाई सरकारले सहमतिका लागि प्रयास जारी राखेको छ ।
गत कात्तिक १५ गते एमाले अध्यक्षसमेत रहेका प्रधानमन्त्री ओली र कांग्रेस सभापति शेरबहादुर देउवासहितको उच्चस्तरीय राजनीतिक संयन्त्र बनाइएको थियो।उच्चस्तरीय राजनीतिक संयन्त्रको काम कांग्रेस-एमाले गठबन्धन सरकारलाई सफल पार्नु हो ।
