अमेरिकी सीआईएद्वारा सम्पूर्ण कर्मचारीलाई खरिद प्रस्ताव

अमेरिकी केन्द्रीय गुप्तचर निकाय (सीआईए) ले आफ्ना सम्पूर्ण कर्मचारीलाई खरिद प्रस्ताव गरेको वाल स्ट्रिट जर्नलले बताएको छ ।

यो कदमले राष्ट्रपति डोनाल्ड ट्रम्पद्वारा सङ्घीय कर्मचारीहरूका लागि सुरु गरिएको स्वैच्छिक अवकाश कार्यक्रममा सामेल हुने पहिलो गुप्तचर एजेन्सी बन्नेछ ।
जर्नलका अनुसार मङ्गलबार सीआईए निर्देशक जोन र्‍याटक्लिफका एक सहयोगीलाई उद्धृत गर्दै एजेन्सीले सः शर्त प्रस्ताव दिइएका रोजगार खोज्नेहरूको नियुक्ति पनि रोकेको छ ।

उद्धृत गर्दै यदि आवेदकहरूसँग एजेन्सीको नयाँ लक्ष्यहरूका लागि उपयुक्त पृष्ठभूमि छैन भने केही रोकिएका प्रस्तावहरू रद्द हुन सक्ने जनाइएको । जर्नलका अनुसार यी नयाँ लक्ष्यहरूमा लागूपदार्थ कार्टेलहरू, ट्रम्पको व्यापार युद्ध र चीनलाई कमजोर पार्ने कार्य समावेश छन् ।

यो कदम ट्रम्पद्वारा अमेरिकी सरकारको ठूलो सुधारको हिस्सा हो । ट्रम्पले दक्षता र मितव्ययिताको नाममा सङ्घीय कार्यलयलाई उल्लेखनीय रूपमा घटाउने वाचा गरेका छन् । यसले वासिङ्टनमा तरङ्ग ल्याएको छ ।

अमेरिकी राष्ट्रिय सुरक्षाका लागि महत्त्वपूर्ण विदेशी गुप्तचर सङ्कलन गर्ने सीआईएमा खरिद प्रस्तावको रिपोर्ट - ट्रम्पले ‘गाजा पट्टी कब्जा गर्ने’ असाधारण योजना घोषणा गरेको केही घन्टापछि आएको हो ।

सीआईएले एएफपीको टिप्पणीको अनुरोधमा तत्काल प्रतिक्रिया नदिएको जनाएको छ । -एएफपी