काठमाडौं, माघ ४ :
काठमाडौंको स्वर्णलक्ष्मी सहकारी प्रकरणको मुद्दामा पूर्वप्रहरी नायब महानिरीक्षक (डीआईजी) छविलाल जोशी अझैसम्म पनि काठमाडौं जिल्ला अदालतमा हाजिर भएका छैनन् ।
उनीसँगै कास्की प्रहरीको हिरासतबाट छुटेका पूर्वगृहमन्त्री रवि लामिछाने काठमाडौं जिल्ला अदालतमा उपस्थित भएर पनि धरौटीमा रिहा भईसकेका छन् ।
पोखराको सूर्यदर्शन सहकारी प्रकरणमा धरौटीमा छाड्न आदेश भएलगत्तै हाजिर भएर पूर्वगृहमन्त्री रवि लामिछाने छुटिसकेका छन् ।
लामिछाने स्वर्णलक्ष्मी सहकारी प्रकरणमा बुधबार ६० लाख रुपैयाँ धरौटी (बैंक ग्यारेन्टी) मा छुटेका हुन् । लामिछानेले जस्तै जोशीलाई पनि बाहिरै रहेर मुद्दा लड्ने सुविधा पाएका छन्।
यस्तो सुविधा पाएका ब्यक्तिले अदालतलाई वेवास्था गर्दा नै प्रतिवादीलाई थुनामै राख्नु पर्ने परिस्थिति निर्माण हुने गरेको छ ।उनी अझै पनि पोखरामै रहेको बुझिन्छ ।
