जर्जियाको एक रिसोर्टमा ११ भारतीय र एक जर्जियाली नागरिक मृत फेला

जर्जियाको गुदौरी भन्ने स्थानमा ११ जना भारतीय नागरिक मृत फेला परेका छन् । 

जर्जियाको तिब्लिसीस्थित भारतीय दूतावासले आफ्नो एक्स अकाउन्ट मार्फत् भारतीय नागरिकहरू मृत फेला परेको पुष्टि गरेको हो ।

दूतावासले यस सम्बन्धमा थप जानकारी जुटाउन र मृत्युको कारण पत्ता लगाउने प्रयास भइरहेको पनि जनाएको छ ।

एक स्की रिसोर्टको दोस्रो तलामा ११ भारतीय र एक जर्जियाई गरी १२ जनाको शव फेला परेको हो । 

उनीहरूको कार्बन मोनोअक्साइड ग्यासका कारण मृत्यु भएको हुनसक्ने अनुमान गरिएको र घटनाको अनुसन्धान जारी रहेको दूतावासले उल्लेख गरेको एएफपी समाचार एजेन्सीले जनाएको छ ।