एनपीएल क्रिकेटः चितवनका रिजन ढकालले एकै ओभरमा लिए दुई विकेट

नेपाल प्रिमियर लिग (एनपीएल) क्रिकेट अन्तर्गत अहिले चितवन राइनोज र लुम्बिनी लायन्सबीच प्रतिस्पर्धा भइरहेको छ ।

कीर्तिपुरस्थित त्रिवि क्रिकेट मैदानमा जारी खेलमा फिल्डिङ रोजेको चितवनका रिजन ढकालले एकै ओभरमा दुई विकेट लिएका छन् ।

ढकालले दोस्रो ओभरको पहिलो र तेस्रो बलमा आशुतोष घिरैया र उन्मुक्त चन्दको विकेट लिएका हुन् । ढकालको बलमा चन्दलाई विपिन रावलले क्याच गरेका हुन्। घिरैया एक रन र चन्द शून्य रनमा आउट भए।

अहिले लुम्बिनीले ६ ओभरको समाप्तिमा २ विकेटको क्षतिमा ३३ रन बनाएको छ।