काठमाण्डौँ , मंसिर ११ :
प्रधानमन्त्री केपी शर्मा ओलीले नेपाल प्रिमियर लिग (एनपीएल) को ट्रफी सार्वजनिक गर्नुभएको छ ।
प्रधानमन्त्री ओली र सहभागी ८ टिमका मार्की खेलाडीहरुले आज बिहान धरहरा परिसरबाट एनपीएलको ट्रफी अनावरण गरेका हुन् ।
ट्रफीमा कालापत्थरबाट ल्याइएको ढुङ्गा समावेश छ ।
अनावरण कार्यक्रमलाई सम्बोधन गर्दै प्रधानमन्त्री ओलीले नेपाली क्रिकेटका लागि आजको दिन विशेष रहेको बताउनुभयो ।
एनपीएलमा सहभागी सबै टिमलाई समर्थन रहेको बताउँदै प्रधानमन्त्री ओलीले जितका लागि शुभकामना दिनुभयो ।
