उदयपुर, मंसिर ११ :
उदयपुरको चौडण्डीगढी नगरपालिका- ९ स्थित भिमामा कारले ठक्कर दिँदा एक जनाको मृत्यु भएको छ ।
मृत्यु हुनेमा स्थानीय ४५ बर्षिया कमलादेबी चौधरी रहेकी छन् ।
मदनभण्डारी राजमार्गको गाईघाट- चतरा सडकखण्डको भिमामा पश्चिमबाट पूर्वतर्फ जाँदै गरेको प्रदेश१- ०४००१च१३८६ नम्बरको कार अनियन्त्रित भइ सडक नजिकमा रहेको घरमै बसिरहेकी चौधरीलाई ठक्कर दिएको थियो ।
कारका चालक र एक सवार समेत घाईते भएको र उनीहरूलाई उपचारका लागि अस्पताल पठाएको इलाका प्रहरी कार्यालय उदयपुरले जनाएको छ ।
तीव्रगतिको कार अनियन्त्रित हुँदा दुर्घटना भएको प्रहरीले जनाएको छ ।
