चितवन, मंसिर १० :
चितवनको उपरदाङगढीमा पिकनिक गएर फर्कंदै गरेको स्कुल बस दुर्घटनामा २८ जना घाईते भएका छन् ।
कालिका नगरपालिका–४ पदमपुरस्थित चित्रवन माविको बस हिजो साँझ ५ बजे कालिका नगरपालिका–९ द्रब्यटारमा दुर्घटनामा परेको जिल्ला प्रहरी कार्यालय चितवनले जानकारी दिएको छ ।
दुर्घटनामा परेर चालकसहित २७ जना विद्यार्थी र एक शिक्षिका गरी २८ जना घाइते भएको जिल्ला प्रहरीको भनाई छ । घाइतेमध्ये एक जनाको अवस्था गम्भीर रहेको छ ।
अहिले चितवन मेडिकल कलेजमा २२ र पुरानो मेडिकल कलेजमा ६ जनाको उपचार भइरहेको छ । ३० जना विद्यार्थीसहित ३२ जना बसमा सवार थिए ।
पिकनिक गएर फर्किंदै गर्दा ‘ब्रेक फेल’ भएर बस दुघर्टनामा परेको थियो ।
