पुथाउत्तरगंगा गाउँपालिका-२ को अध्यक्षमा माओवादीका घर्तीमगर निर्विरोध निर्वाचित
·
बुधबार, ६ मंसिर, २०८१ मा
प्रकाशित
काठमाडौँ, मंसिर ६ :
आगामी मंसिर १६ गते हुने उपनिर्वाचनमा रुकुम पुर्वको पुथाउत्तरगंगा गाउँपालिका वडा नम्बर २ को अध्यक्षमा जगत घर्ती मगर निर्विरोध निर्वाचित भएका छन् ।
गाउँपालिका अध्यक्ष पुनीराज घर्तीमगरको जानकारी अनुसार नेकपा एमालेका उम्मेवारले आफ्नो उम्मेदवारी फिर्ता लिएपछि जगत घर्ती निर्विरोध वडाध्यक्ष निर्वाचित भएका हुन् ।
वडाध्यक्षका लागि एमालेबाट उम्मेदवार रहेका जीवन रोकामगर र स्वतन्त्र उम्मेदवारी दिएका शुक्र विकले उम्मेदवारी फिर्ता लिएपछि माओवादी उम्मेद्वार निर्विरोध भएका हुन ।
गाउँपालिकामा रिक्त उपाध्यक्ष र वडाध्यक्ष पदका लागि नेपाली कांग्रेस नेकपा एमालेले गठबन्धन गरेका छन् ।
निर्वाचन आयोगको कार्यतालिका अनुसार आज उम्मेदवारी फिर्ता लिने अन्तिम दिन हो ।
