सप्तरीमा १७ क्विन्टल गाँजासहित एक जना पक्राउ

सप्तरीको राजगढ गाउँपालिका- ४ बाट १७ क्विन्टल ३६ किला गाँजासहित एक जना पक्राउ परेका छन् ।

बालुवा र गिट्टीले छोपेर उक्त परिमाणको गाँजा लिएर राजगढ गाउँपालिका- ४ बेल्ही चपेना शनि मन्दिरस्थित भित्री सडक खण्डमा पत्थरगाढाबाट झुटकीतर्फ गइरहेको टिपर र त्यसका चालकलाई गए राति पक्राउ गरिएको प्रहरीले जनाएको छ । 

कल्याणपुरस्थित इलाका प्रहरी कार्यालयले टिपर निरीक्षण गर्दा ५६ बोरा गाँजा फेला परेको हो । प्रहरीले टिपर चालक धनकुटाको सहिदभूमि गाउँपालिका- ३ का ३३ वर्षीय यमजित राईलाई पक्राउ गरेको छ।

उनलाई हिरासतमा राखेर कारबाही अघि बढाउन प्रहरीले आज अदालतसँग अनुमति लिने जनाएको छ ।