सुर्खेत र दैलेखको सीमाना रानीमत्तामा फोर्स गाडी पल्टियो: ४ जनाको मृत्यु, २५ जना घाइते

 सुर्खेत-दैलेख सडकखण्डको रानीमत्तामा आज फोर्स गाडी दुर्घटना हुँदा ४ जनाको मृत्यु भएको छ । 

दैलेखबाट सुर्खेत आउँदै गरेको कर्णाली प्रदेश ०२००१ ख ०९९८ नम्बरको फोर्स गाडी तीव्रगतिका कारण दुर्घटना भएको हुनसक्ने प्रहरीको अनुमान छ। 

दुर्घटनामा २५ जना घाइते भएका छन । घाइतेलाई उपचारका लागि प्रदेश अस्पताल कालागाउँ सुर्खेत लगिएको छ ।

दुर्घटनाको विस्तृत विवरण आउन बाँकी छ।