धनगढी, कात्तिक ६ :
राष्ट्रिय स्वतन्त्र पार्टी (रास्वपा) का सभापति रवि लामिछाने गड्डाचौकी नाका हुँदै भारत गएका छन्। शुक्रबार तीनदिने भ्रमणका लागि पत्नी निकितासहित रवि भारत प्रवेश गरेका हुन्।
उनीहरु काठमाडौँबाट विमानमार्फत शुक्रबार बिहान धनगढी पुगेका थिए। सभापति लामिछानेले भारत भ्रमण आफ्नो व्यक्तिगत र धार्मिक यात्रा भएको बताएका छन् ।
यो भ्रमणलाई राजनीतिसँग नजोड्न आग्रह गर्दै लामिछानेले आफू कारागार हुँदा नै उत्तराखण्डको नैनीतालस्थित कैचीँधाम जाने भाकल गरेकोले सोही पूरा गर्न जान लागेको सञ्चारकर्मीलाई बताए ।
नैनीतालस्थित कैँचीधाम र आसामको गुवाहाटीस्थित कामाख्या मन्दिरमा सपरिवार पूजाअर्चना गर्ने कार्यक्रम रहेको उनको सचिवालयले जनाएको छ ।
