एक हप्ताभित्र चार माग पूरा गर्न सरकारलाई डा. केसीको अल्टिमेटम

वरिष्ठ डा गोविन्द केसीले आफ्ना चार माग पूरा गर्न सरकारलाई एक हप्ताको अल्टिमेटम दिएका छन्। २४औँ सत्याग्रहका क्रममा उनले सरकारसँग गरिएको सहमति कार्यान्वयनसहित चार माग राखेका हुन्।

सोमबार विज्ञप्ति जारी गरी उनले न्यूनतम पूर्वाधार र जनशक्तिबिनै गेटा मेडिकल विश्वविद्यालयलाई एमबीबीएस कार्यक्रम सञ्चालन गर्न अनुमति दिने निर्णय खारेज, चिकित्सा शिक्षा आयोगका उपाध्यक्ष्य बर्खास्त गरिनुपर्नेलगायत माग कार्यान्वयन गर्न सरकारको ध्यानाकर्षण गराएका छन् ।

डा केसीले सबै माग एक हप्ताभित्रै पूरा नगरे फेरि सत्याग्रहसहितका आन्दोलनका कार्यक्रम सुरु गर्ने चेतावनी दिएका छन्।