बूढीगण्डकी बाढी : नेपाली सेनाद्वारा ३६ जनाको उद्धार

बूढीगण्डकी बाढीमा फसेका ३६ जनाको उद्धार भएको छ । नेपाली सेनाले उनीहरुलाई उद्धार गरेको हो । सेनाका अनुसार जगत् गाउँबाट ६, न्याक्फेदीबाट नौ तथा यारुबाट एक शिशु तथा एक विदेशी नागरिकसहित नौ जना र पायुबाट १२ जनाको उद्धार गरिएको हो । 

बाढीबाट प्रभावितहरूको उद्धारका लागि नेपाली सेनाका ४ वटा हेलिकोप्टर परिचालन गरिएको छ । हवाई र स्थलमार्गबाट खटिएको सेनाको टोलीले प्रभावितहरुको उद्धार कार्य जारी राखेको छ। विपद्मा परेकाहरुको उद्धार र सहायता नेपाली सेना सधैँ अग्रणी मोर्चामा रहेर खटिने गरेको छ । चाहे त्यो भोटेकोशीको विपद्मा होस् या पछिल्लो बुढीगण्डकीको बाढी, दुवैमा नेपाली सेना उत्तिकै खटिएको छ । नेपाली सेना आपतविपदमा नेपाली जनताको आँट र भरोसा बनेको छ ।