काठमाण्डौं, कात्तिक ६ :
साफ महिला च्याम्पियनसिप अन्तर्गत आज नेपालले माल्दिभ्समाथि फराकिलो जित दर्ता गरेको छ ।
त्रिपुरेश्वरस्थित दशरथ रंशालामा आज भएको खेलमा नेपालले ११–० को जित हासिल गरेको हो।नेपालले साफमा माल्दिभ्सविरूद्व हात पारेको यो अहिलेसम्मकै फराकिलो जित हो
पहिलो हाफमा ४ गोल गरेको नेपालले दोस्रो हाफमा ७ गोल थपेको थियो ।नेपालको जितमा रेखा पौडेलले ५ गोल र प्रिती राईले ह्याट्रिक पूरा गर्दा सविता राना मगर, अमिशा कार्की र अनिता केसीले १-१ गोल गरे ।
नेपालको २ खेलमा ४ अंक छ । भुटानको समान ४ अंक भएपनि गोल अन्तरमा नेपाल अघि छ ।
श्रीलंकाको ३ अंक हुँदा माल्दिभ्सले खाता खोलेको छैन ।
