काठमाडौं, असार १० :
प्रधानन्यायाधीश डा. मनोजकुमार शर्माको नियुक्तिविरुद्धको रिट दरपिठ गर्ने आदेशलाई सर्वोच्च अदालतले सदर गरेको छ। बुधबार बसेको संवैधानिक इजलासले दरपिठ गर्ने प्रशासनको आदेशलाई नै सदर गरेको हो।
संवैधानिक इजलासमा प्रधानन्यायाधीश शर्मा, न्यायाधीशहरू कुमार रेग्मी, विनोद शर्मा, अब्दुल अजीज मुसलमान र महेश शर्मा पौडेल छन्। प्रधानन्यायाधीश नियुक्तिको विषयमा पेस भएको रिटमा भएको दरपीठ आदेशविरुद्ध संवैधानिक इजलासमा पेस भएको थियो। संवैधानिक परिषद्ले प्रधानन्यायाधीशमा शर्मालाई नियुक्त गर्न सिफरिस गरेपछि सर्वोच्चमा तीनवटा रिट पेस भएका थिए।
