पाराग्वेका खेलाडी मिगोएल अलमिरोन विश्वकपको खेलमा प्रतिद्वन्द्वी खेलाडीसँग कुरा गर्दा आफ्नो मुख हातले छोपेको कारण रातो कार्ड पाउने पहिलो खेलाडी बनेका छन्।
३२ वर्षीय अल्मिरोनले मर्ट मुलदुरसँग कुरा गर्दा आफ्नो मुख हातले ढाकेका थिए। त्यसपछि मुल्दुरले तुरुन्तै नजिकै रहेका खेल अधिकारीलाई यसबारे जानकारी गराएका थिए।
भिडियो सहायक रेफ्रीद्वारा घटना जाँच गरेपछि इभान बार्टुनले दर्शकहरूलाई सम्बोधन गर्दै पूर्व न्यूक्यासल युनाईटेड विंगर अल्मिरोनलाई रातो कार्ड देखाएर मैदानबाट बाहिर पठाउने निर्णय सुनाए।
यो घटना पहिलो हाफ समाप्त हुनुअघि भएको थियो त्यतिबेला पाराग्वे १–० ले अगाडि थियो।
अल्मिरोनलाई खेलको आधाभन्दा बढी समय मैदानबाहिर पठाइए पनि पाराग्वेले आफ्नो अग्रता जोगाउँदै टर्कीमाथि १–० को जित हासिल गर्यो।
यस जितसँगै पाराग्वे नकआउट चरण नजिक पुगेको छ। अब शुक्रबार हुने अन्तिम समूह खेलमा अस्ट्रेलियालाई हराउन सके पाराग्वे अन्तिम ३२ टोलीमा स्थान बनाउन सफल हुनेछ।
