मिल्टनले बाढी र आँधीबेहरी निम्त्यायो

फ्लोरिडामा आएको 'मिल्टन' आँधीले बाढी र आँधीबेहरी निम्त्याएको छ ।

३० लाखभन्दा बढी घर तथा व्यवसायहरू विद्युत विहिन भएका छन् । एटलान्टिक तटमा थुप्रै मानिसहरूको मृत्यु भएको रिपोर्ट गरिएको छ।

सेन्ट पिटर्सबर्गको पश्चिमी तटमा पानीको आपूर्ति काटिएको छ ।  मेजर लीग बेसबल स्टेडियमको छतमा क्षति पुगेको छ ।

मिल्टन एटलान्टिक महासागरमा प्रवेश गर्दैछ त्यसैले अझै पनि आँधीबेहरी र बाढी आउन सक्ने बताईएको छ।

फ्लोरिडा, जर्जिया, साउथ क्यारोलिना, टेनेसी, भर्जिनिया र नर्थ क्यारोलिनामा आएको हेलीन आँधीका कारण कम्तीमा २२५ जनाको मृत्यु भएको दुई हप्तापछि मिल्टन आएको हो ।