लुइजियानामा एक बाबुले आफ्ना सात सन्तानसहित आठ बालकालिकाको हत्या गरे

एक बुबाले अमेरिकाको लुइजियाना राज्यको श्रेभपोर्टमा भएको सामूहिक गोलीकाण्डमा आफ्ना सात सन्तान र एक असम्बन्धित बालकको हत्या गरेका छन्।

प्रहरीले यसलाई घरेलु विवाद को घटना भनेको छ।

ती बालबालिकाको उमेर एक वर्षदेखि १४ वर्षसम्मका थिए।

प्रहरीका अनुसार आइतबार बिहान करिब ५ बजे गोली चल्न सुरु भएको थियो। श्रेभपोर्ट प्रहरी विभागका प्रवक्ता क्रिस बोर्डेलोनका अनुसार संदिग्धले १० जनामाथि गोली चलाएपछि चोरीको कारमा फरार भएका थिए। पछि प्रहरीले पछ्याएर उनलाई गोली हानी मारेको थियो।

दुई वयस्क महिला जसमा बालबालिकाकी आमा पनि परेकी छन् गम्भीर अवस्थामा छन्।

श्रेभपोर्ट मेयरका सञ्चार निर्देशक लेइ एन् एभेन्स्कीका अनुसार संदिग्धको पहिचान शमार एल्किन्सका रूपमा गरिएको छ।

प्रहरीका अनुसार संदिग्धले सुरुमा सडकमा एक महिलामाथि गोली चलाए र त्यसपछि नजिकैको घरमा गएर आठ बालबालिकाको हत्या गरे  ।  जसमा एक जना उनको आफन्त थिएनन्।

एक पीडित भागेर नजिकैको घरमा पुगे र त्यहाँबाट प्रहरीलाई खबर गरे।

प्रहरीले हमलाकारी एक्लै रहेको जनाएको छ। नवौँ बालक छतबाट हाम फालेर जोगिएका छन् र उनी अस्पतालमा उपचाररत छन् बोर्डेलोनले बताए।