रक्षात्मक र आक्रामक दुबैको तयारीमा रहेको नेतान्याहुको भनाइ

एजेन्सीहरु- इजरायली प्रधानमन्त्री बेन्यामिन नेतान्याहुले बिहीबार हमास र हिजबुल्लाहका शीर्ष नेताहरूको हत्याको प्रतिशोधको धम्की आएपछि इजरायल आफ्नो विरुद्ध कुनै पनि ‘आक्रामकता’ का लागि तयार रहेको बताउनुभएको छ । 

    इजरायल रक्षात्मक र आक्रामक दुवै किसिमको कुनै पनि परिदृश्यका लागि उच्चस्तरको तयारीमा रहेको नेतान्याहुको भनाइ थियो । उहाँले भन्नुभयो- "हामी हाम्रोविरुद्ध कुनै पनि आक्रामक कारवाहीका लागि उच्च मूल्य चुकाउनेछौँ”, नेतान्याहुले विज्ञप्तिमा भन्नुभयो, “जसले हामीमाथि आक्रमण गर्छ, हामी पनि जवाफमा आक्रमण गर्नेछौँ ।”

    हिजबुल्लाह प्रमुख हसन नसरल्लाहले बेरुत उपनगरमा इजरायलले गरेको आक्रमणमा आफ्ना शीर्ष सैन्य कमान्डर फुआद शुक्रको गरेको हत्याको जवाफ दिन लेबनानी सशस्त्र समूह बाध्य छ भन्ने धम्की दिएपछि नेतान्याहुको उक्त टिप्पणी आएको हो । 

    बुधबार तेहरानमा भएको आक्रमणमा हमास प्रमुख इस्माइल हानियाको मृत्यु भएको थियो । इरान र हमासले  उक्त आक्रमण इजरायलले गरेको आरोप लगाएका छन् । इजरायलले उनको हत्याका बारेमा टिप्पणी गर्न अस्वीकार गरेको छ ।