दक्षिणी लेबनानका धेरै मानिसहरूलाई आफ्नो घर छोड्न इजरायलको आग्रह

इजरायलले दक्षिणी लेबनानका प्रमुख शहर नाबातीहलगायत अन्य ठाउहरुमा मानिसहरूलाई आफ्नो घर खाली गर्न चेतावनी दिएको छ।

इजरायलले यसै हप्ता दक्षिणी बेरुतका भूभागमा आक्रमण सुरु गरेको छ । दक्षिणी बेरुतमा रहेको हिजबुल्लाहको गढमा नयाँ विस्फोटको आवाज सुनिएको बीबीसीले समाचारमा उल्लेख गरेको छ ।  इजरायलले गुप्तचर मुख्यालयमा आक्रमण गरेको बताएको छ।

विश्व स्वास्थ्य संगठन डब्लुएचओले लेबनानमा पछिल्लो २४ घण्टामा २८ जना स्वास्थ्यकर्मीको मृत्यु भएको जनाएको छ ।

लेबनानी अधिकारीहरुका अनुसार गत वर्षको अक्टोबर यता इजरायली आक्रमणमा परी १२७ बालबालिकासहित १ हजार ९ सय ७४ जनाको मृत्यु भएको समाचार छ ।