पूर्वाञ्चल क्याफेमा लागेको आगलागी नियन्त्रणमा

सुनसरीको इटहरीस्थित पूर्वाञ्चल बेकरी क्याफेमा भएको आगलागी नियन्त्रणमा आएको छ । 

बिहान करिब १० बजेदेखि सुरु भएको आगलागी सुरक्षाकर्मी, स्थानीयवासी तथा छिमेकी पालिकाबाट आएका दमकलको सहयोगमा मध्याह्न नियन्त्रणमा लिइएको हो । आगलागीको कारण र क्षतिको विवरण संकलन भइरहेको छ ।

आगो नियन्त्रणका लागि धरान, इनरुवा र रामधुनी नगरपालिकाका दमकल प्रयोग गरिएको थियो ।