काठमाडौं, चैत ६ :
सहकारी पीडितले काठमाडौँको माईतीघर मण्डलमा प्रदर्शन गरेका छन्। सहकारीमा डुबेको बचत रकम फिर्ताको माग गर्दै शुक्रबार उनीहरूले नयाँ बन्न लागेको रास्वपा नेतृत्वको सरकारको ध्यानाकर्षण गराउन पुनः सडक आन्दोलन सुरु गरेका हुन्।
रास्वपाले चुनावी अभियानका क्रममा सय दिनभित्र साना बचतकर्ताको रकम फिर्ता लिने वाचा गरेको थियो। उनीहरूले ‘वाचापत्रमा लेखेको सय दिने प्रक्रिया हामीले नि सम्झेका छौँ ’ठग सञ्चालकहरुको नागरिकता, पासपोर्ट, बैंक खाता, चल अचल सम्पती रोक्का गरियोस्’ लगायतका नारासहितका प्लेकार्ड बोकेर प्रदर्शन गरेका हुन्।
पीडितहरुले करिब चार वर्षदेखि निरन्तर सडक आन्दोलन गर्दै आएका छन् । सरकारसँग पटक पटक सम्झौता भए पनि हालसम्म न्याय नपाएको गुनासो छ।
