मेक्सिकोको फुटबल मैदानमा भएको आक्रमणमा ११ जनाको मृत्यु

मेक्सिकोको मध्य राज्य ग्वानाजुआतोमा रहेको एक फुटबल मैदानमा आइतबार भएको सशस्त्र आक्रमणमा परी कम्तीमा ११ जनाको मृत्यु हुनुको साथै अन्य १२ जना घाइते भएका स्थानीय अधिकारीले जानकारी दिएका छन् ।

१० जनाको घटनास्थलमै मृत्यु भएको र अन्य एक जनाको अस्पतालमा उपचारका क्रममा मृत्यु भएको जनाइएको छ । गोली लागेर १२ जना घाइते भएका छन् । उनीहरुको उपचार भइरहेको बताइएको छ । मारिनेहरु खेलाडी थिए कि दर्शक भन्ने खुल्न सकेको छैन ।

 शनिबार राति पनि सोही शहरमा मानव अवशेषसहित चारवटा झोला फेला परेको थियो। आक्रमणमा संलग्नहरुको खोजी कार्य भइरहेको जनाइएको छ ।