काठमाडौं, माघ ७ :
नेपाली कम्युनिस्ट पार्टीका सहसंयोजक माधवकुमार नेपालको उम्मेदवारीविरुद्ध परेको उजुरी दरपिठ भएको छ ।
नेपालको उम्मेदवारी मनोनयनपत्र खारेजीको मागसहित उजुरी परेकोमा दरपिठ (दर्ता) नभएनको मुख्य निर्वाचन अधिकृत मनोज केसीले बताए । मुद्दा विचाराधीन रहेकाले भ्रष्टाचार मुद्दामा दोषी मान्न नमिल्ने कानुनी सिद्धन्त रहेको भनी उजुरी दरपीठ भएको केसीले बताए ।
नेपालविरुद्ध बुधबार पतञ्जलिको जग्गा भ्रष्टाचारको मुद्दा विचाराधीन रहेको भन्दै उम्मेदवारी खारेजीको मागसहित उजुरी परेको थियो ।
निर्वाचन कानुनअनुसार पनि उम्मेदवारी ठिक भएकाले उजुरी दर्ता नभएको मुख्य निर्वाचन अधिकृतको कार्यालय रौतहटले पनि जानकारी दिएको छ । उनले प्रतिनिधिसभा सदस्य निर्वाचनका लागि रौतहट-१ बाट उम्मेदवारी दिएका छन् ।
