पर्सा, माघ ६ :
जिल्ला अदालत पर्साले राष्ट्रिय स्वतन्त्र पार्टी (रास्वपा) का सभापति रवि लामिछानेसँग १ करोड धरौटी माग गरेको छ ।
न्यायाधीश रुद्र सुवेदीको एकल इजलासले सानो पाइला बचत तथा ऋण सहकारी संस्थाको रकम अपचलनको मुद्दामा सुनुवाई गर्दै धरौटी माग गरेको हो ।
उक्त सहकारीको रकम अपचलन अभियोगमा लामिछानेसहित २९ जनाविरुद्ध मुद्दा दायर भएको थियो । लामिछाने अदालतबाट फर्केर चितवनमा उम्मेदवारी दर्ता गराएका छन् ।
