महाधिवेशनपछि पार्टी अझै एकढिक्का भएर अघि बढ्छ : शंकर पोखरेल

नेकपा एमालेका नेता शंकर पोखरेलले महाधिवेशनपछि पार्टी अझै एकढिक्का भएर अघि बढ्ने बताएका छन् ।

बुधबार महाधिवेशनस्थल भृकुटीमण्डपमा सञ्चारकर्मीसँग कुरा गर्दै पोखरेलले नेतृत्व चयनका क्रममा विभिन्न समूह देखापरेपनि महाधिवेशनपछि पार्टी अझै एकढिक्का भएर अघि बढ्ने बताए।

उनले पार्टीभित्रको नेतृत्वका लागि आन्तरिक प्रतिष्पर्धा हुनु लोकतन्त्रको सुन्दर अभ्यास भएको बताए । राष्ट्रिय राजनीतिमा देखापर्ने चुनौतिहरुको सामना गर्न एमाले सक्षम रहेको उनको भनाइ छ ।

एमालेको नेतृत्वमा जो आएपनि राष्ट्रिय राजनीतिका चुनौतिलाई सामना गर्दै मुलुकलाई सहि बाटोमा लिएर जाने कुरामा सफलता प्राप्त गर्ने उनले बताए ।