अमेरिकासँग नेपाल १०६ रनले पराजित

आईसीसी विश्वकप लिग–२ अन्तर्गत त्रिकोणात्मक सिरिजको पहिलो खेलमा नेपाल अमेरिकासँग १०६ रनले पराजित भएको छ।

दुबई अन्तर्राष्ट्रिय क्रिकेट स्टेडियममा टस हारेर फिल्डिङ गरेको नेपालले अमेरिकाबाट २ सय ६३ रनको लक्ष्य पाएको थियो। अमेरिकाले निर्धारित ५० ओभरमा ६ विकेट गुमाउँदै २ सय ६२ रनको योगफल तयार पारेको थियो।

जवाफी ब्याटिङमा उत्रिएको नेपाल ३९.१ ओभरमै १ सय ५५ रनमा समेटिँदै पराजित भयो। नेपालका ब्याटरहरूले अपेक्षित प्रदर्शन गर्न नसक्दा टोली ठुलो अन्तरले हार बेहोर्नु परेको हो।

यससँगै त्रिकोणात्मक सिरिजमा नेपालको सुरुवात निराशाजनक बनेको छ। नेपालले अब आगामी खेलमा पुनरागमन गर्ने लक्ष्य लिएको छ।