आज नेपालले घरेलु टोली ओमानसँग प्रतिस्पर्धा गर्दै

आईसीसी टी–२० विश्व कप एसिया र इस्ट एसिया प्यासिफिक छनोटको सुपर सिक्समा आज नेपालले  घरेलु टोली ओमानसँग प्रतिस्पर्धा गर्दैछ ।

खेल ओमानको अल अमेरत क्रिकेट मैदानमा नेपाली समयअनुसार राति पौने ९ बजे सुरु हुनेछ ।

ओमानलाई हराए नेपाल टी- २० विश्व कपमा छनोट हुनेछ । यसअघिको दुई खेलमा नेपालले युएई र कतारलाई पराजित गरिसकेको छ ।

सुपर सिक्सका खेलहरू सकिएपछि शीर्ष तीन स्थानमा रहने टोलीहरू सन् २०२६ मा भारत र श्रीलंकामा आयोजना हुने टी–२० विश्व कपका लागि छनोट हुनेछ।  

नेपाल टी–२० मा छनोट हुने अवसरको  रूपमा  आजको खेललाई लिइएको छ ।