जेल तोडेर भाग्न खोज्दा सुरक्षाकर्मीको गोली लागेर विभिन्न स्थानमा गरी १० कैदीको मृत्यु [नामसहित]

जेनजी आन्दोलनको क्रममा जेल तोडेर भाग्न खोज्दा सुरक्षाकर्मीले चलाएको गोली लागेर १० कैदीबन्दीको मृत्यु भएको छ। प्रहरी प्रधान कार्यालयका अनुसार बाँके, रामेछाप र धादिङस्थित विभिन्न सुधारगृह तथा कारागारहरूबाट भाग्ने प्रयास गर्दा उनीहरू मारिएका हुन्।

बालसुधार गृह नौबस्तामा मृत्यु हुनेहरू:

अछामका २१ वर्षीय उमेश विष्ट, दाङका २० वर्षीय दिनेश घर्तीमगर,बाँकेका २० वर्षीय समीर थापा, कैलालीका १९ वर्षीय जगत देउवा र दैलेखका २१ वर्षीय भूपेन्द्र खत्रीको जेल तोड्ने प्रयासमा सुरक्षाकर्मीको गोली लागेर ज्यान गुमाएका हुन्।

रामेछाप कारागारबाट भाग्ने क्रममा मृत्यु हुनेहरू:

मोरङका ५१ वर्षीय राजकिशोर यादव, धनुषाका ५८ वर्षीय बिरु धोबी र धनुषाकै ४० वर्षीय मनोज महतोको रामेछाप जिल्ला कारागारबाट भाग्ने क्रममा सुरक्षाकर्मीको गोली लागेर मृत्यु भएको जनाइएको छ।

धादिङ कारागारमा घटना:
धादिङ कारागार तोड्ने क्रममा सेनाले चलाएको गोली लागेर धादिङको बेनिघाटका ६१ वर्षीय जितबहादुर घले,पूर्व नवलपरासीका ३६ वर्षीय इन्द्रबहादुर डाला
को मृत्यु भएको प्रहरी प्रधान कार्यालयले जानकारी दिएको छ। घटनाबारे थप अनुसन्धान भइरहेको प्रहरीले जनाएको छ।