रासायनिक मलको दीर्घकालीन समाधान खोज्न वाईसीएलको धर्ना [तस्बिरसहित]

रासायनिक मलको दीर्घकालीन समाधान खोज्न माग गर्दै योङ कम्युनिस्ट लिग, नेपालले काठमाडौंमा प्रदर्शन गरेको छ । आइतबार कृषि सामाग्री कम्पनी लिमिटेडमा ज्ञापनपत्र बुझाउँदै धर्ना दिएको हो । 

प्रदर्शनका क्रममा बोल्दै योङ कम्युनिस्ट लिग, नेपालका अध्यक्ष पुष्प ओलीले नेपाल कृषिप्रधान देश भएको र कृषकलाई कृषि बालीका लागि आवश्यक पर्ने रासायनिक मलको अभाव विगत लामो समयदेखि भइरहेको बताए ।

उनले रासायनिक मलको समस्या दीर्घकालीनरुपमा समाधान गर्न आग्रह गरे । तत्काल देशभर मल आपूर्तिको सुनिश्चितता नभए अभियानलाई देशव्यापी बनाउने र आन्दोलन गर्ने चेतावनी दिए ।

वाइसिएलले सरकारले रासायनिक मल पहुँचको आधारमा वितरण गरेको भन्दै यस्ता कार्य अविलम्ब रोकेर आपूर्ति सुचारु गर्न माग गरेको छ ।