काभा मेन्स च्याम्पियन्स लिगमा टिप‌ टप हेल्प नेपालले कास्य पदक जित्यो

माल्दिभ्समा भएको काभा मेन्स च्याम्पियन्स लिगमा नेपाली लिग च्याम्पियन टिप‌ टप हेल्प नेपाल स्पोर्टस क्लबले कास्य पदक जित्न सफल भएको छ ।

आज भएको खेलमा नेपाली टोलीले श्रीलंकाको पुलिस क्लबलाई ३-१ ले हराएको हो ।  पहिलो र दोस्रो सेटमा विजयी भएको  हेल्प नेपाल तेस्रो सेटमा हार बेहोरेको  थियो । 
टोलीले फेरी चौथो सेटमा जितका निकाल्दै  तेस्रो स्थान हात पारेको हो ।

पहिलो सेट २५-२० तथा दोस्रो सेट २५-१५ ले जितेको थियो भने तेस्रो सेट २०-२५ ले गुमाएको थियो । चौथो सेटमा २५-२३ को जित निकाल्दै हेल्प नेपालले कास्य पदक जितेको हो ।

सेन्ट्रल एसियन भलिबल एसोसियन काभाको आयोजना भएको च्याम्पियन्स लिगमा काभाका सदस्य रहेका ५ देशका लिग च्याम्पियन क्लब र आयोजकको उपविजेता समेत गरि ६ टोलीको सहभागिता रहेको थियो ।

प्रतियोगिता सिंगल राउण्ड रोबिनका आधारमा भएको थियो ।

दुवै पटकको सहभागितामा हेल्प नेपालले पदक जितेको छ।

गत वर्ष स्वदेशमा भएको च्याम्पियनसिपमा हेल्प नेपालले रजत पदक जितेको थियो।