काठमाडाैं, असार २१ :
नागरिक उन्मुक्ति पार्टीले संघीय सरकारबाट बाहिरिने निर्णय गरेको छ। शनिबार बसेको पार्टीको संसदीय दलको बैठकले प्रधानमन्त्री केपी शर्मा ओली नेतृत्वको सरकारलाई दिएको समर्थन फिर्ता लिने निर्णय गरेको हो।
संसदीय दलका नेता गंगाराम चौधरीले बैठकपछि जानकारी दिँदै भने, ‘हाम्रो संसदीय दलको बैठकले सरकारबाट बाहिरिने निर्णय गरेको छ। भोलि संस्कृति, पर्यटन तथा नागरिक उड्डयन राज्यमन्त्री अरुण चौधरीले प्रधानमन्त्रीलाई राजीनामा बुझाउने छन्।’
सुदूरपश्चिम प्रदेश सरकारका एक मन्त्रीलाई पार्टीसँग छलफल नगरी बर्खास्त गरिएको घटनापछि नागरिक उन्मुक्ति पार्टी संघ र प्रदेश दुवै सरकारबाट बाहिरिने निष्कर्षमा पुगेको हो।
