काठमाडौं, असार १३ :
नेकपा एकीकृत समाजवादीको सचिवालय बैठक पार्टी केन्द्रीय कार्यालय आलोकनगरमा बस्दै छ ।
बैठकमा पार्टीको आगामी रणनीति, केन्द्रीय कमिटीले गरेका निर्णय कार्यान्वयन, सांगठनिक र समसामयिक राजनीतिक विषयमा छलफल हुने एकीकृत समाजवादीका सचिव गणेश विकले जानकारी दिए ।
साथै बैठकमा अध्यक्ष नेपालले पतञ्जलि जग्गा प्रकरणमा आफूमाथि लागेको आरोपबारे ब्रिफिङ गर्नेछन् । पतञ्जलीको जग्गामा भएको भ्रष्टाचार प्रकरणमा विशेष अदालतले नेपाललाई ३५ लाख धरौटीमा छाडेको छ ।
पतञ्जली जग्गा भ्रष्टाचारमा अध्यक्ष नेपाल धरौटीमा रिहा भएपछि पहिलोपटक सचिवालय बैठक बस्न लागेको हो ।
