काठमाडौं, असार ६ :
नेपाली बजारमा शुक्रबार सुन र चाँदी दुवैको मूल्य घटेको छ । अघिल्लो दिन (बिहीबार) को तुलनामा आज (शुक्रबार) सुनको मूल्य प्रतितोला आठ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार शुक्रबार सुन प्रतितोला एक लाख ९४ हजार ७०० रुपैयाँ कायम भएको छ । बिहीबार सुन प्रतितोला १ लाख ९५ हजार ५०० रुपैयाँ कायम थियो ।
यस्तै चाँदीको मूल्य २१ सय ५० रुपैयाँ कायम भएको छ । अघिल्लो दिनको तुलनामा चाँदीको मूल्य पनि घटेको हो । बिहीबार चाँदी प्रतितोलामा २२ सय रुपैयाँमा कारोबार भएको थियो । बिहीबारको तुलनामा चाँदी प्रतितोला ५० रुपैयाँले घटेको हो ।
