काठमाडौं, वैशाख २४ :
भारत-पाक तनावका कारण विकसित घटनाक्रमका विषयमा सुरक्षा परिषद्मा छलफल भएको छ । प्रधानमन्त्री केपी शर्मा ओलीको अध्यक्षतामा बुधबार बसेको बैठकमा दुई देशबीच उत्पन्न तनावले नेपालमा पर्न सक्ने असर र सम्भावित चुनौतीका विषयमा छलफल भएको छ ।
बैठकमा सेनाका तर्फबाट नेपालले अपनाउनुपर्ने संयमताका बारेमा ब्रिफिङ भएको र सीमा क्षेत्रको सुरक्षाका बारेमा पनि छलफल भएको जनाइएको छ । साथै, नेपालले अपनाउनुपर्ने संयमता र सुरक्षा रणनीतिका विषयमा पनि बैठकमा छलफल भएको छ।
बैठकमा प्रधानमन्त्री ओलीसहित अर्थमन्त्री विष्णु पौडेल, गृहमन्त्री रमेश लेखक र प्रधानसेनापति अशोकराज सिग्देल पनि सहभागी थिए ।
केन्द्रीय सुरक्षा समिति बैठक : सीमा र विमानस्थलमा निगरानी बढाइने
