इरानको भलिबल टोलीसंग एपिएफ पराजित

प्रथम लायन्स कप आमन्त्रित पुरुष भलिबल प्रतियोगिताको उद्घाटन खेलमा इरानको भलिबल टोलीले विजयी सुरुवात गरेको छ।

पोखरा रंगशालास्थित बहुउद्देश्यीय कभर्ड हलमा भएको खेलमा इरानको टिमले सशस्त्र प्रहरी बललाई ३-१ को सेटले हराएको हो ।

प्रतियोगितामा ६ टोलीको सहभागी छ। समूह ‘ए’मा इरानी टोली,एपीएफ र गण्डकी प्रदेश छन् । समूह ‘बी’मा भारतीय टोली,त्रिभुवन आर्मी क्लब र नेपाल पुलिस क्लब रहेका छन् ।

दुवै समूहबाट शीर्ष दुई टोली सेमिफाइनलमा पुग्नेछ।

प्रतियोगिताको विजेताले ४ लाख ४४ हजार ४ सय ४४ र दोस्रो हुने टोलीले २ लाख ४४ हजार ४ सय ४४ रुपैयाँ प्राप्त गर्नेछ।